Diagnostikim

Çelësi i një trajtimi të suksesshëm qëndron fillimisht në diagnozën e saktë. Pa një diagnozë të plotë, pacienti përballet jo vetëm me një trajtim mangët por edhe të gabuar.Ne zotërojmë pajisjet më të përparuara evropiane me ekspozimin më të ulët të rrezatimit.

Ne analizojmë të gjitha llojet e grafive në mënyrë të detajuar për të bërë diagnostikim të saktë, pa gabime:

Skaner 3D Orthopos XG
Grafi dentare nëpërmjet visiograf-it portativ Ai Ray
Skanim dixhital të dhëmbëve nëpërmjet skanerit intraoral Medit i-700

Skaneri 3D Orthopos XG

Në A S C do të gjeni skaner të tomografisë së kompjuterizuar (Skaner 3D). Kjo është një metodë diagnostikuese progresive dhe e avancuar që siguron saktësi në matje deri në një fraksion milimetri. Me ndihmën e tomografisë së llogaritur në modalitetin 3D, mundësohet diagnostikimi i kariesit dhe proceseve në inde të cilat janë të vështira për t’u pikasur me metoda të tjera.

Skaneri bashkëkohor i tomografisë së kompjuterizuar me rreze konike ofron një tablo 3D shumë të qartë të gjendjes së dhëmbëve të pacientit. Kështu, mjekët tanë diagnostikojnë dhe planifikojnë në mënyrë korrekte trajtimin tuaj. Zakonisht, nëse ju vini për herë të parë në klinikën tonë, gjithçka do të fillojë nga skaneri 3D.

Avantazhet e skanerit 3D

1. Imazh i saktë pa asnjë shtrembërim gjeometrik.

2. Mundësi për të parë çdo fushë në shqyrtim nga të gjitha anët dhe mundësi për t’i analizuar imazhet shtresë pas shtrese.

3. Të dhënat e marra me ndihmën e një skanimi 3D janë shumë më informuese dhe më të thella se të dhënat e marra në një rreze X të zakonshme (Grafi 2D)

4. Shkurtim i ndjeshëm i kohës: skanimi i gjithë sistemit dentofacial të pacientit është shumë më i shpejtë se ekzaminimi i çdo dhëmbi veç e veç.

5. Ekspozimi shumë më i ulët i rrezatimit në trupin e pacientit.

Grafia dentare nepermjet viziografit dentar

Viziografi dentar (i quajtur ndryshe edhe radioviziograf) është një pajisje moderne diagnostikuese që lejon ekzaminimin e pacientit gjatë trajtimit, direkt nga karrigia dentare. Metoda viziografike e ekzaminimit ndihmon dentistin në zbulimin e patologjive më të vogla dentare me saktësi më të lartë.

Viziografi e shndërron rrezatimin me rreze X në imazh digjital dhe e transmeton atë në një monitor kompjuteri që gjendet në vendin e marrjes së trajtimit. Në diagnostikimin me viziograf, doza e rrezatimit si për pacientin ashtu edhe për mjekun, është dhjetë herë më e ulët se diagnostikimi me një aparat të zakonshëm me rreze X.

Cilat janë avantazhet e një viziografi digjital në krahasim me rrezet X të zakonshme?

Ndjeshmëria më e lartë e sensorit zvogëlon ekspozimin ndaj rrezatimit (krahasuar me radiografinë standarde) me 90%.
Shfaqja në monitor e një imazhi të zmadhuar, të qartë dhe informues, e bën ekzaminimin më cilësor.
Viziografi lejon të shihet dhe të vlerësohet gjendja e dhëmbëve pothuajse në kohë reale.
Rehati për pacientin: Ekzaminimi bëhet direkt në karrigen dentare dhe pacienti nuk ka nevojë të ngrihet dhe të shkojë në dhomën e rrezeve X (kjo është veçanërisht e papërshtatshme nëse trajtimi tashmë ka filluar dhe dhëmbi është hapur).

Një imazh i digjitalizuar ofron një sërë mundësish: Shfaqjen e çastit, ruajtjen e një skedari, dërgimin dhe qasjen në çdo kohë të volitshme për konsultime në distancë me kolegët, etj.

Skaneri intraoral Medit i-700

Skaneri intraoral ose ai brenda gojës në stomatologji është një pajisje moderne që përdoret për krijimin e modeleve tredimensionale të dhëmbëve dhe nofullave të pacientit. Skaneri mund të përdoret për diagnostikim, planifikim dhe kontroll të rezultateve të trajtimit, duke lejuar marrjen e informacionit të saktë mbi formën dhe madhësinë e dhëmbëve, si dhe mbi pozicionin e secilit dhëmb në lidhje me të tjerët. Modelet dixhitale imitojnë plotësisht lëvizjet e nofullave, duke i lejuar dentistët të zhvillojnë planin më efektiv të trajtimit.

Skanerët përdoren për planifikimin dhe kryerjen e operacioneve për implantimin e dhëmbëve, si dhe për prodhimin e guideve kirurgjikale. Në stomatologjinë ortopedike, ato përdoren për prodhimin e fasetave (veneer), kurorave, urave dhe shumë protezave të tjera.